Rehab-ah Demi Lovato awm leh dawn

Ruihlo avanga buaina lo tawk fo tawh Demi Lovato chuan a ruihlo ngaih a bansan thei si lo a, rehab bawk a bel leh dawn niin an sawi.

Pop singer Demi Lovato hi Thawhlehni khan nikhaw hre loa a awm hmuh a ni a, Los Angeles hospital-ah dahluh ngal a ni. Endik a nih hnuah heroin overdose tih hriat chhuah a ni zui bawk. Hospital-ah hian enkawl mek a la ni a, a chhuah hnu hian rehab-ah inenkawl zui turin a lut leh dawn a ni.

Kum 25 mi Demi hian rehab-a awm leh hi a duh a, a chhungte pawhin an remtih sak a ni. Tunah chuan hospital chhuahsan thei a la ni lo a, a taksa leh rilru a la inpeih lo niin an sawi. Ngaihtuahawm erawh a ni lo a, hospital-ah pawh hian awm rei a ngai lutuk tawh dawn lo niin an sawi.

Thawhlehni zan kha American television show lar Beat Shazam-a a inlan hun a ni a, mahse mualpho takin a awm ta zawk a ni. American singer Demi Lovato hi ruihhlo avangin a lo buai fo tawh a, sawiselna pawh a tawk nasa hle a ni.