Nick Jonas leh Priyanka Chopra an inhual?

Thla hnih vel an inzui hman chauh tihah Nick Jonas leh Priyanka Chopra te chu an inhual niin media te chuan an tarlang.

Kum 36 mi Priyanka leh Nick (25) te hi New York-ah an inhual niin an tarlang a, an chhung te leh an ṭhian ṭha te pawhin an lawmpui thu an sawi niin an tarlang. Hetih lai hian an mahni lam chuan thuchhuah an la siam lo a, an inhual ngei em tih ala hriat loh!

Priyanka hi Bollywood film 'Bharat'-ah a inlan tur thu puan a lo ni tawh a, a hlawh zat tur nen lam tarlan a lo ni tawh. Mahse an inhual tak avang hian a chang leh dawn lo niin an la tarlang cheu bawk.

American singer Nick Jonas leh Indian actress Priyanka Chopra te hi milar inngaizawng zinga chanchin ngah ber pawl an ni a, tunah pawh thu thar an nei leh ta a ni. Prynka hian July 18 khan kum 36 a tling a, Nick Jonas nen hian London-ah a piancham pawh hi an lawm a ni.

May thla aṭang khan an inzui thu hi a darh ṭan a, an mahni pawhin an pha lo. American television series 'Quantico' star Priyanka Chopra leh pop band 'Jonas Brothers' star Nick Jonas te hi hmun hrang hrangah an zin dun a, ṭhen hran thiang loh ang mai an ni. Nick Jonas pawh India-ah lo kalin 'makpa interview' a lo nei tawh bawk a ni.