XXXTentacion thihnaah mi pakhat man belh leh

American rapper XXXTentacion chu June 18 khan a car khalh lai kahhlum a ni a, hemi kaihnawihah hian mi pathum man an ni tawh.

XXXTentacion thih dan hi chhui zui mek zel a ni a, rinhleh mi pahnih Dedrick Williams leh Michael Boatright te chu hren mek a ni. Nilaini khan mi pakhat an man ve leh a, an mi man hi Robert Allen a ni. U.S. Marshals Fugitive Task Force te chuan Robert Allen hi Georgia-ah manin thu zawhfiah turin an hreng ve leh a ni.

Kum 20 mi XXX-Tentacion, a hming tak Jahseh Dwayne Ricardo Onfroy hi June 27 khan vui liam a ni. A vuina hun hi Florida Panthers stadium-ah neih niin, mi 8,000 vel zet an pungkhawm a ni.