Instagram mi hausa list-ah Kylie Jenner A chungnung ber ta lo
Instagram-in kum tina a tih ṭhin anga Instagram rich list a tihchhuahah Kylie Jenner-in ro a rel ta lo a, 'Jumanji: The Next Level' star Dwayne Johnson-in a nek chhuak ta a ni.
Kum li chhung lai chu Instagram rich list-a No.1 spot hi Kardashian emaw Jenner emawin an hauh tawh a, mahse kuminah erawh thil a danglam ta a, wrestler turn actor Dwayne Johnson chu tuman an tluk ta lo.
Forbes magazine-in a billionaire a nih tawh loh thu an puan hnuah Instagram lamah pawh ro a rel chhunzawm thei ta lo. Kylie hausak zawng hi $maktaduai 900 vel anga chhut a nih tak avangin Dwayne aia hniamah a din a ngai ve ta a ni.
Dwayne Johnson hian post pakhat a siamah $mtd 1.015 vel a lalut thei dawn a, hetihlai hian Kylie chuan $986,000 a lalut dawn thung. Hetihlai hian Kylie Jenner hi pahnihna a la ni pha tho a, pathumna chu football living legend Cristiano Ronaldo niin Kim Kardashian, Ariana Grande, Selena Gomez, Beyonce, Justin Bieber, Taylor Swift leh Neymar-te'n an dawt a ni.
Instagram rich list top 5:-
1. Dwayne Johnson
2. Kylie Jenner
3. Cristiano Ronaldo
4. Kim Kardashian
5. Ariana Grande