MIZO IDOL 2018 ; Serchhip audition zawh fel a ni ; Vawiin aṭangin Lunglei-ah

July 25 aṭang khan Dictrict hrang hrangah Mizo Idol 2018 audition neih ṭan a ni a, Champhai leh Serchhip-ah te zawh fel a ni tawh. Vawiin aṭang hian Lunglei-ah ṭan a ni ve leh dawn a, mi 68 an inlan ang.

Serchhip audition-ah hian mi 27 ten intihsiak an hmachhawn a, result hi zaninah puan a ni ang. Intihsiak hi zan khatah zawh niin, endiktu mi pathum zingah Dj Lalvenhimi pawh a tel a ni.

Mizo Idol season 6 atan hian District tinah audition neih a ni dawn a, Aizawl-ah a hmawr bawk a ni ang. Audition hi Zonet Zawlbuk-ah live-a pekchhuah ṭhin a ni.

Pensy-i hoin
Vawiin chawhnu dar 1:00 aṭang hian Lunglei Audition ṭan a ni ve leh dawn a, endik hna thawk tur zingah Pensy B. Lalthnagliani chu mipui ngaihven a ni. Audition-ah hian rimawi lama sulhnu nei ṭha tak tak ten endik hna an thawk a, chung zingah chuan Pensy pawh hi a tel a ni. Ani bakah hian Jimmy L. Sailo leh ZD. Zoramthanga te an ṭhu bawk ang.

Lunglei-ah hian contestant 68 zet an inlan dawn a, serial number indawtin an zai dawn a ni. A thawh khatna hi chawhnu dar 1:00 ah ṭan a ni dawn a, serial number 40 thleng an zai dawn a ni. Zan dar 7:30 aṭangin a thawh hnihna ṭan leh a ni ang a, serial number 41-68 te an inlan ang.

Judge tur te :
Pensy B.Lalthangliani
Jimmy L.Sailo
ZD.Zoramthanga