'Mission: Impossible' hit nghal

Kumina film chhuak thar tur zinga ngaihven hlawh ber pakhat 'Mis­sion: Impossible - Fallout' chu July 25 khan tlangzarh a ni ta a, khawvel hmun hrang hrangah en a hlawh nghal hle.

Tom Cruise channa hian US-ah ringawt pawh tlangzarh ni la lain $mtd 59 a lalut nghal thei a, Box Office-ah No.1 hauh turin a dinhmun a ṭha hle. Khawvel hmun hrang hrang aṭangin $mtd 130 chuang zet a lalut tawh a, a sum lakluh hi a la pung dawn chauh niin a lang bawk. China-ah chuan August 31 aṭangin chhuah a ni ang.

Hetih lai hian Swedish actress Rebecca Ferguson chu a lo inpuang ve mek bawk a, 'Mission: Impo­ssible - Fallout' an chan lai khan nau pai tih a sawi! A naupai hi a len hman deuh avangin shooting an neih lai pawhin amah ṭanpui tur mi pahnih an awm a, thil khirh khan deuh a tih dwn chuan anni hian an pui ṭhin a ni. Ferguson hian tun hnai khan fanu a hring a, fa kum 11 mi a a nei tawh bawk.

Rebecca Ferguson hi Action film 'Mission : Impossible' ah hian Ame­rican actor Tom Cruise nen hian a hma pawhin an chang dun tawh a ni.