Harry Styles album thar nakkum kumtirah

Harry Styles chuan nakkum March thlaah hian a studio album pathumna a tlangzarh dawn.

Sony Music CEO Rob Stringer chuan hemi chungchang hi sawi chhuakin, nakkum March thla tawp hma ngeiin kum 27-a upa English singer hian a studio album pathumna tur a tichhuak dawn a ni, a ti.

Harry hian kum 2020 aṭang tawh khan a album tur hi a buaipui tawh niin an sawi a, hrileng vanga khawvel a buai hma pawh khan hla ṭhenkhat chu a phuah tawh niin an sawi.

'Sign of the Times' hitmaker hian kum 2017 leh 2019 khan studio album a lo tichhuak tawh bawk a ni. Rimawi lam mai bakah hian film lamah pawh a inlan nual tawh a, kum 2017-a tihchhuah Christopher Nolan-a film 'Dunkirk'-ah khan inlanin chumi hnuah chuan Marvel big hit film 'Eternals'-ah khan a inlan zuai bawk. Tunah hian 'My Policeman' tih film-ah a chang mek bawk a ni.