Avatar 2 hlimthla, Jake leh Neytiri-te fapa chu...

Khawvela film sum lalut tam ber ni reng ṭhin Avatar chhunzawmna Avatar 2 hlimthla tharlam tak pakhat tarlan a ni a, Avatar fan-te tan chuan a phurawm tawh hle ang.

Empire Magazine-ah he thlalak hi pholan niin, character pakhat Miles Socorro a.k.a. Spider lem an tilang a, chu chu tudang ni loin Jake (Sam Worthington) leh Neytiri (Zoe Saldana)-te fapa a ni.

Avatar 2 hi $maktaduai 250 vel zet senga siam niin nakkum December thlaa tlangzarh hman an tum a, Kum 2017 aṭang daih tawh khan he film hi an chang ṭan tawh a, kumin September thlaah khan an chang zo tawh nia tarlan niin, kum thum vel zet an chang.

Director James Cameron chuan a chhunzawmna dang pawh siam lehzel a la tum a, kum 2024-ah Avatar 3 chu tlangzarh hman leh tumin, chu film tur pawh chu Avatar 2 an chan rualin an chang nghal a ni. Part 4 leh 5 pawh siam a la tum leh bawk.