'Harry Potter: Return to Hogwarts' trailer a chhuak ta

'Harry Potter 20th Anniversary: Return to Hogwarts' trailer chu Thawhṭanni khan an chhawp chhuak ta a, Harry Potter fan-te lung a tileng ngei ang.

Harry Potter reunion special hi kum thar niah hian HBO Max lamah tihchhuah a ni dawn a, trailer ringawt pawh hian Harry Potter ngainatute chu nasa takin a chawk phur tawh.

HBO Max bakah hian HBO Go, Amediateka, Foxtel, leh ram hrang hranga Sky channel-ahte pek a ni dawn a, India ramah erawh eng platform-ah nge an tihchhuah dawn tarlan a la ni lo.