Hontrade International Ṭhazual Fakna ; Amtea khum thei an lo awm lo 'Adonai' a ropui zual zel

Hontrade International Ṭha­zual Fakna chart-ah Amtea Chhakchhuak khum thei an la awm lo a, 'Adonai Ropui Ber' tih hla hmangin a zawnin dinhmun sang ber a luah.

Amtea hian a hla lehlin hi a hlawhtlinpui hle a, tunlai fakna hla thlan hlawh ber a ni. He hla hi Portuguese a/anga lehlin niin, June thla khan official music video tlangzarh a ni.

Tlangzarh aṭangin Ṭhazual chart-ah a lang nghal thei a, No.1 hial a thleng ta a ni. Dinhmun sang ber a luah a ni satliah lo a, a zawnin pakhatna a hauh thei a ni. A hla hi 'hlapui' tia chhal ni chiah lo mah se, a dangdaiin a thu pawh a ṭha hle a ni. Music video pawh kan la hmuh ngai zen zen loh a ni a, mit leh beng a tlai hle.

Tun ṭumah hian pakhatna lo hauh tawhtu Ruthi CVL Muanpuii chu pahnihna a ni ve leh a, chart hmasa lamah khan 'Chenchilhtu Thlarau Thiang­­hlim' tih hla hmang hian pahnihna a lo hauh tawh bawk. He hla hi Sanglianthanga phuah niin, Penticost Sunday pualin Ruthi CVL Muanpuii hian a tichhuak a, a vawi khat nan chart-ah dinhmun sang berah a lo hlangkai tawh a ni.

Mawitei Ralte chuan 'Nghilh­ni I awm lo' tih hla hmangin Alabasta te a nek chhuak a, top 3-ah a inhlangkai. Mizo Idol star Thawhlehnaniropuia chu ' Khawngaih Chhandamna ' tih hla hmangin top 5-ah a inhlangkai ve bawk.

Alabasta leh R. Lalruatfeli (Mapuii) ten an dinhmun an hum zo lo a, hnung tawlh zawng­in an kal. Alabasta hi pa­thumna aṭangin pangana-ah an chhuk a, Mapuii pawh pariatna-ah a thla thla ve bawk.

Tun ṭumah hian hmel thar kan hmu a, Saitual nula PC Vanlalhriati (Tenu-i) chu a vawi khat nan top 10-ah a lang. PC Vanlalhriati hian tun hnai khan 'Ka hria a sin' tih hla a tichhuak a, chart-a hun eng emaw chen lang tawh Seraphic Choir te a nek chhuak a ni.

Top 10-ah hian Judith Lal­rem­ruati leh Govt. Complex KTP Female Voice te an lang ve leh bawk.

Hontrade International Ṭhazual Fakna Top 10
1. Amtea - Adonai Ropui Ber
2. Ruthi CVL Muanpuii - Chenchilhtu Thlarau Thianghlim
3. Mawitei Ralte - Nghilhni I awm lo
4. Thawhlehnaniropuia - Khawngaih Chhandamna
5. Alabasta - Aw pan mai rawh
6. Miriam Lalnundiki - Damna kim a ni
7. Judith - Kan famkimna
8. R. Lalruatfeli (Mapuii) - Ka nun hnar kaitu
9. Govt. Complex KTP Femalle Voice - Lalpa Tan
10. PC Vanlalhriati (Tenu-i) - Ka hria a sin