Ashley Tisdale album kan hmu leh dawn

'He said She said' singer Ashley Tisdale chuan album a buaipui leh mek tih a tarlang a, fan te tan chuan thu lawmawm tak a ni ngei ang.

American singer hian nakkum lam tlangzarh tur, a studio album pathumna a buaipui leh mek a, hemi atan hian Goldfinger front­man John Feldmann a thawhpui a ni. A album atan hian Big Noise label nen inremna an ziak a ni.

Kum 33 mi Ashley chuan, "Hun eng emaw chen music ka chawlhsan tawh a, tunah chuan ka inpeih leh tawh a ni. Album tichhuak leh tur hian ngaihtuahna tam tak ka seng a, ka phur hle bawk," a ti. Goldfinger frontman John nena an thawk dun thei chu a lawm hle tih a sawi bawk. John pawhin Ashley a thawh­pui thei chu a inchhuan thu a sawi ve bawk.

'High Shool Music' star hian kum 2009 khan 'Guilty Pleasure' album a tichhuak a, hemi hnu hian album a la tichhuak leh lo a ni. A album hi Billboard Album chart-ah pawh a lang phak a ni.