JB-a'n hla thar tichhuah tum tawh rih lo

Canadian singer Justin Bieber chuan nupui neih chu a target lain ber a nih thu sawiin, chu mi hma chu hla thar tichhuah a tum rih loh thu a sawi mauh mai.

Justin Bieber hi American model Hailey Baldwin nen an inhual a, inneih pawh an tum hnai niin khawthlang media te chuan an tarlang. Hei hi JB pawh hian a pha lo a, nupui neih chu a hmachhawp lian ber a nih thu a sawi. He thu hi DJ Khaled nen thawkduna 'No Brainer' track an tichhuak hnu lawka a sawi a ni.

Kum 24 mi Justin Bieber leh kum 21 mi Hailey Bald­win te hi July 9 khan an inhual a, inneih an tum hnai niin an sawi. Entertainment Tonight chuan an chhungkhat laina hnai zual leh an ṭhianṭha te sawmin Canada lamah inkutsuih an tum niin an lo tarlang tawh a ni. Justin Bieber hian a chawrchhuahna hmunah ngei a hun ropui ber hman a duh niin an sawi bawk.

Justin Bieber leh Hailey Baldwin te hi Pathianni khan megachurch Hillsong-ah an inlan a, kawtthlera pastor an titipui lai hmuh fuh an ni.