John Mayer PRS Silver Sky SE Version January-ah?

John Mayer leh PRS chuan tunhnai khan Instagram lamah letter 'SE' an post ve ve a, January 11 chu chhinchhiah turin an clip post-ah chuan an tarlang tel bawk.

PRS leh John Mayer-te hian tunhma deuh aṭanga an lo sawi thawi tawh, Mayer-a signature guitar Silver Sky man tlawm zawka an chhawp chhuah tur SE version chu nakkum January 11 hian an chhawp chhuak tawh dawn niin a lang ta.

'New Light' music video aṭanga John Mayer-a'n a hman ṭan PRS Silver Sky hi tunhnaia guitar siam thar zingah chuan hralh kal ber pawl a ni a, Reverb.com-in kumin chhunga guitar an hralh hnem an tarlan zingah pawh pathumna a ni phak a ni.

John Mayer hian kum 2014 khan Fender Artist a nih tawh loh thu a sawi a, kum 2015 khan PRS Guitars nen an thawhdun thu a sawi a, kum 2016 khan PRS chuan an thawhdunna project Super Eagle an tichhuak a ni. Silver Sky model ho hi chu kum 2018 March thla khan an tlangzarh chauh thung.