Ed Sheeran-in 'Shape of You' hmangin Spotify-ah mellung pawimawh a phum

Ed Sheeran hla hit 'Shape of You' chu music streaming platform lian Spotify-a hla, vawi tluklehdingawn thum stream tlin hmasak ber a ni.

British singer hla hian he mellung pawimawh hi Nilaini khan a phum a, hetiang dinhmun a thlen thu hi amah pawhin Instagram lamah a puangzar nghe nghe. Sheeran chuan, "Tunah mai khan 'Shape of You' chu Spotify-ah vawi tld. 3 stream a ni tih ka hria a, mak ka ti tak zet. Tluklehdingawn a thlen lai pawh kha ka la hre reng a, khatah pawh khan mak ka ti tawh, " tiin a sawi hial.

Ed. Sheeran hian kum 2017 khan 'Shape of You' hi a tichhuak a, a album '÷' aṭanga a single hmasa ber a ni.

Spotify-ah hian 'Billions Club'-ah hla 190 vel lai awm tawh mah se 3 Billions erawh a la awm ngai loa, 'Shape of You' hi a hmasa ber a ni ta a ni.