K-pop star Suga'n Covid a vei

K-pop sensation BTS a songwriter leh rapper, Suga chu US-a in-person concert a nei zo an rama a haw chu Covid-19 a vei tih hmuh chhuah a nih thu an group agency, Big Hit Music chuan nimin khan a sawi.

Kum 28 mi, Suga hi a hming tak chu Min Yoon-gi a ni a, tunkar tir lam khan US atangin a haw a, a inkhung hrang nghal a, nimin khan hri a kai tih hi hriatchhuah a ni.

Suga hian Covid-19 vaccine dose hnihna pawh a la tawh a,, symptom a nei lo a, an band member dangte nen pawh an in contact lo nia sawi a ni bawk. In ah a inenkawl mek a ni.

Big Hit Music in a sawi danin, Suga hi US a zin hmain PCR test neiin a negative a, Korea-a a kir hnuah a in test leh a, a lo positive tih a sawi. Big Hit chuan BTS memberte hian tun hnaia US a concert an neih hnuah chawlh an la dawn tih a lo puang tawh bawk.