Outer Banks Season 3 February-a chan ṭan tum

Netflix series hit 'Outer Banks' season 3 chu kum thar tir lamah hian chan an nghal an tum nia tarlan niin, February velah hi chuan chan ṭan an tum.

December thla tir lamah khan 'Outer Banks' changtunu Medelyn Cline chuan social media kaltlangin season 3 siam a ni leh dawn tih a lo tarlang tawh a, he series en ṭhinte chu an phur hle. Season 3-ah hian a changtute pawh an inlan kim leh dawn hle a nih hmel. Media ṭhenkhat tarlan dan chuan kum thar February 26-ah hian chan ṭan an tum tawh a, August 19 vel thleng chang turin ruahmanna an siam a ni.

Charleston, South Carolina-ah bawk an chang leh dawn niin an sawi bawk a, nakkum kum tawp lamah chuan 'Outer Banks' season 3 hi kan en hman mai thei a ni.