BTS RM leh Jin-in Covid-19 an kai ve leh

Suga-a'n Covid-19 hripui a kai a ni tih hriat chhuah a nih hnu lawkah BTS-a a member-pui RM leh Jin te chuan hripui an kai a ni tih hmuh chhuah a ni ve leh.

Big Hit Music agency lam chuan thuchhuah siamin RM leh Jin-te chu Inrinni liam ta, Krismas ni chawhnu lamah khan hri an kai tih hriat chhuah a nih thu an tarlang a, Zirtawpni liam ta khan Suga chuan hri hi a kai a ni tih hriat chhuah a lo ni ve tawh bawk.

Member pasarih awmna BTS-ah hian member pathumin hri an kai ta a ni. An agency lamin an tarlan dan chuan RM chuan symptoms a neih loh laiin Jin erawh chuan mild symptoms a nei niin an sawi thung.