Box Office Hrilen hnua film hlawhtling ber 'Spider-Man: No Way Home'
'Spider-Man: No Way Home' Krismas vuakvetah sum a lalut tam hle a,
North America Box Office-a sum lalut tam ber a nih piah lamah hrilen hnua
film sum lalut tam ber a ni der tawh.
'Spider-Man: No Way Home' sum lakluh a tam tawh
Kar tawp liam ta chhung khan theatre 4,336-ah pek chhuah a ni a, $84,525,000 lai a lalut leh. North America aṭang ringawt pawh hian $470,356,855 lai a lalut tawh a, ram dang aṭanga a sum lakluh tawh zawng zawng zawng chu $587,100,000 a ni tawh bawk. Heti hian tlangzarh a nih aṭanga kar hnih chhung lekin $1,057,456,855 a lalut der tawh a ni.
'Spider-Man: No Way Home' hi hrilen hnua sum lalut tam ber a ni der tawh a, China film hlawhtling 'The Battle at Lake Changjin' chu kar hnih chhung lekin a rawn khum. Chumai chu a la ni lo. Kum 2015-a 'Star Wars: The Force Awakens' tlangzarh a nih hnua digit 10 sum lalut tling rang ber a ni bawk!
He film hi rei lote chhungin khawvela film hlawhtling ber pawl a ni nghal a, Krismas karah film ṭha tak tak tlangzarh awm nual mah se a sum lakluh pawh a tam fal hle a ni.
Film che ṭha zual dangte chu
'Sing 2' pawh tlangzarg a ni ta a, theatre 3,892 aṭangin $22,326,230 a lalut a, sum lalut tam pahnihna a ni.
Mi tam takin an nghahhlelh leh an en chak, 'The Matrix Resurrections' pawh tlangzarh ni tawhin sum lalut tam pathumna a ni a, $12,000,000 a lalut.
Palina pawh film boruak nei lian tak 'The King's Man' kha a ni a, 'American Underdog' chu pangana a ni bawk.
Top 10-a film thar dang
'A Journal for Jordan' chu pasarihna a ni a, '83' chu top 10-ah a lang pha chiah chiah bawk. Box Office Mojo chart-ah film 37 tarlan a ni a, film tlangzarh thar ho an che ṭha hlawm hle a ni.
Box Office top 10:-
1 Spider-Man: No Way Home $84,525,000
2 Sing 2 $22,326,230
3 The Matrix Resurrections $12,000,000
4 The King's Man $5,915,542
5 American Underdog $5,890,000
6 West Side Story $2,847,289
7 A Journal for Jordan $2,200,000
8 Licorice Pizza $1,911,827
9 Encanto $1,814,171
10 '83 $1,689,090