Lelte Awards 2021: Gospel Singer of the Year Arini leh TBC Zaithanpuia

Lelte Awards vawi 30-na chu Thawhlehni zanah leh nizanah khan Aijal Club Park-ah sem a ni ta. Thawhlehni zan bikah khan Gospel huangchhunga award hrang hrang sem a ni a, nizan lamah khan Lengzem lam sem a ni thung.

Gospel Singer of the Year (female) dawngtu chu Lalrinmawii Ralte (Arini) a ni a, Gospel Singer of the Year (male) chu TBC Zaithanpuia'n a dawng thung.

Lalnunpuia Hrahsel chuan Maruati'n thiam taka a sak 'Ka thinlungah a nung' vangin Song of the Year award a dawng a, 'Mak tak leh hlauhawm taka duan' tih hla an sak duh avangin Jerry Elaro leh Benjamin Colney-te chuan Duo of the Year award an dawng bawk.

Jonathan Lianhna leh Priscilla Laldinpuii Fanai-te chu New Artist of the Year an ni a, Dr R Lalthangliana, Minister, Commissioner Lalkiamlova leh Lalnunmwii Pangkhua-te chuan Special Award an dawng a, Lalengmawia (Apuia) chuan Young Achiever Award a dawng ve bawk a ni.

Lelte Awards 2021 zan khatnaa award dawngtute chu:-
Gospel Singer of the Year (female) - Lalrinmawii Ralte (Arini)

Gospel Singer of the Year (male) - TBC Zaithanpuia

Song of the Year - Ka thinlungah a nung, Lalnunpuia Hrahsel

Song Composer of the Year - H Lalrinawma

Music Video of the Year - Sawmtea Chhangte

Group of the Year - Live Band Ministry

Duo of the Year - Jerry Elaro leh Benjamin Colney

New Artist of the Year (female) - Priscilla Laldinpuii Fanai

New Artist of the Year (male) - Jonathan Lianhna

Young Achiever Award - Lalengmawia (Apuia)

Lifetime Achievement Award - T Lalnunzama

Special Award - Dr R Lalthangliana, Commissioner Lalkiamlova leh Lalnunmwii Pangkhua