Lelte Awards 2021 sem zawh a ni ta - Siampuii Ralte leh 'Kan khua' an langsar

Lelte Awards 2021 zan hnihna, Lengzem leh Lenglawng huang chhunga awards semna chu Nilaini zanah khan Aijal Club Park-ah sem a ni leh ta a, Siampuii Ralte leh Rebecca Lallawmsangi hla hit 'Kan khua' te chuan award pahnih ve ve dawngin award dawng tam ber an ni.

'Lunglawm tikimtu' hmanga thiam taka Zofate min awitu Siampuii Ralte chu New Artist of the Year (female) dawngtu a ni a, chubakah chuan JT Production nen 'Ka hmangaih te' tih hla thiam taka an sak dun avangin Duo of the Year award a hum haw bawk.

Mizo hla dangin an la thlen ngai loh, YouTube lamah thlirtu maktaduai 12 lai nei tawh Rebecca Lallawmsangi hla hit 'Kan khua' chu Song of the Year-ah puan a ni a, he hla phuahtu Peka Fanai chu Song Composer of the Year-ah puan a ni ve bawk a ni.

New Artist of the Year (male) chu Smiley a ni a, Singer of the Year (male) chu Benjamin Sum niin Sangteii Khuptong chu Singer of the Year (female) a ni thung.

Sound from the Hills chu Band of the Year award dawngtu an ni a, Entertainer of the Year chu Lalnunsanga a ni bawk. Lelte Awards 2021 hi Angelina Paul-i'n a host a ni.

Lelte Awards zan hnihnaa award dawngtute chu:-

New Artist of the Year (male) - Smiley

New Artist of the Year (female) - Siampuii Ralte

Traditonal Singer of the Year - Lalenkawli Pautu

Entertainer of the Year - Lalnunsanga

Song Composer of the Year - Peka Fanai

Music Video of the Year - Sangkimi Khiangte

Group/Duo of the Year - JT Production ft Siampuii Ralte

Band of the Year - Sound from the hills

Singer of the Year (male) - Benjamin Sum

Singer of the Year (female) - Sangteii Khuptong

Song of the Year - Kan khua

Musicians of the Year:

Drummer - Mamawia Colney

Bassist - Bruce Pachuau

Guitarist -Bobo Renthlei

Keyboardist - Albert Peka

Winds & Strings - Maenga Chawngthu

Host : Angelina Paul