Xpulse200 4V Mizoramah lei theihin a awm ve ta

Heromotocorp product thar Xpulse200 4V chu nimin khan Khaia Hero Showroom, Vaivakawn, Aizawl-ah B Lalruatsanga (Rsa) chuan khuhhawng.

Aizawla Xpulse200 4V Bike thar khuhhawnnaah hian Motor sports lama tui Mizo ṭhalai tam tak an tel a, a khuhhawnna inkhawm tawi zawh a nih rualin pasarih lai an hralh chhuak nghal.

Heromotocorp product hrang hrang te chu loan hmanga lei duh tan pawh Bank lam dawr buai ngai lovin, scheme ṭha tak an neih thu Khaia Hero Showroom neitute chuan an sawi. Document ṭul tlem te hmangin awlsam takin an tihfel mai thei tih sawiin, thlatina a rulhna pawh a sang lo hle niin an sawi bawk. Bike thar tlangzarh hi Rs. 144707 in a lei theih a ni.

Xpulse200 4V khuhhawngtu Rsa chuan Xpulse200 4V chu amah pawhin a khalh chhin tawh thu leh motor sports lama tui tan chuan duhthusam a nih thu a sawi a ni.