Golden Girls' star Betty White a thi

Kum 70 chuang zet US television audience-te lo tihlim tawhtu, actress Betty White chu kum 99 mi niin Zirtapwni khan a thi.

Sitcom lar tak tak, 'The Golden Girls' leh 'The Mary Tyler Moore Show'-a chang, Emmy-winning comedienne White hi showbiz lama hun hmang rei ber zinga mi a ni. Kum 1949 aṭang khan television-ah inlan ṭanin, kum 2019 khan 'Toy Story 4'-ah aw a la thawh a ni. Kum 1950 chhoa chhuak, sitcom 'Life with Elizabeth' ah pawh changin, producer a ni bawk a, hmeichhe zinga producer ni thei hmasa zingah a tel a ni.

Kum 2010 khan kum 88 mi niin comedy sketch show, 'Saturday Nigh Live' a host a, he show host-tu zinga upa ber a ni a, nuam a tih thu a sawi nasa hle bawk.

Emmy Award panga a lak bakah, kum 1005 khan Television Academy Hall of Fame-ah seng luh a ni. Screen Actors Guild awad pathum lain, kum 201 kha lifetime achievement trophy hlan a ni.