Billy Joel-a'n Taylor Swift a fak nasa

Billy Joel chuan Taylor Swift chu hla ṭha tak tak a neih ṭhin a vangin a fak hle a, a music career chu The Beatles nen a khaikhin hial.

Piano Man vocalist, kum 72 mi Billy Joel chuan Taylor Swift chu 'talented leh producted' tia sawiin hla ṭha tak tak a nei thei zel a, 'Ṭhangthar Beatles a ni," tiin USA Today in an kawmnaah a sawi.

Kum 32 mi, Swift hian studio album 11 tichhuakin, khawvel pumah record maktaduai 100 a hralh tawh a, Grammy Awards 11 a la tawh bawk. Mahse Joel-a'n a tehkhin, The Beatles hian kum 1972-a an band an inṭhendarh khan studio album 13 tichhuak hmanin, record maktaduai 545 zet an hralh a, grammy 11 an dawng bawk a ni.

The Beatles nena a khaikhin hi Swifties tam zawk chuan pawmpui viau mah se, mi tam tak chuan an sawisel a, Beatles nena khaikhin chi ah an ngai lo. 'Beatles chu khawvela musical act pawimawh ber an ni a, Taylor chu pop singer ringawt a ni. Beatles-te khawvelah a awm ve pha lo," tia twitter lama chhang let pawh an awm.