MOOD STATION-in hla thar tichhuak

Mizo rock band ṭha ber zinga mi Mood Station chuan kum thar ni tak, January 1 khan an debut album-a mi 'ZoPuNk UnaU I had it wrong' chu an tichhuak a, an YouTube channel leh Zonet lamah thlira ngaihthlak theih turin a awm reng tawh.

ZoPuNk UnaU hi Tpa leh Rintluanga (Stua)-te an ni a, an pahnih hian unau dik tak an ni a, Tpa hi upa ber niin Stua hi an unau zinga naupang ber a ni ve thung.

ZoPuNk thupui chu mimal zalenna, mahni irawm chhuak neih, thiam aia nung nih duh, music thiam ril nih aiin thiam ang anga music nung theihtawp a play ve tawp duh zawk hi a ni tih Tpa chuan a sawi.

"Inthuam dan tur bik a awm loa,branded-ah an buai loa, sap ṭawng hman nalh an thupui a ni ve lo, sakhua a inthliar hran bikna a awm loa, TLTP lam ṭang an ni, nihna anga lan chu an thupui lian ber a ni.

Zorimawi puntir chu an thupui ber a ni a, Mizo rilrem zawng nih pha lo mah ila puntirtu zinga kan tel chuan kan hlawhtling tihna a ni," tiin Tpa chuan a sawi a, an music leh an hla ho kalhmang aṭang pawhin helam hi an tuipui tih a hriat theih a ni.

An hla thar hi duh hun hunah a stream theih tawh a, rock music ngainatu tan chuan hla ngaihthlak manhla tak a ni ngei ang.