Kum 2021-a film hlawhtling zual 10

4th January, 2022

Kum hnih chhung vel zet chu Covid-19 hripui leng vangin khawvel a buai ta. Chumiin a nghawng nasat ber zinga mi chu film industry a ni. Chuti chung chuan kum liam ta, kum 2021-ah khan film hlawhtling tak tak eng emaw zat a awm a, chung zingah chuan -

A hnuhnung ber a hmasa berah
Krismas hma lawka tlangzarh 'Spider-Man: No Way Home' kha sum lalut tam ber a ni.

'Spider-Man: No Way Home' hi Sony film siam tawh zinga hlawhtling ber niin, tlangzarh a nih aṭangin kar thum vel chiah la ral mah se khawvela film hlawhtling 12-na a ni der tawh. Tunah hian $1,369,892,000 lai sum lalut tawhin nikum chhunga film tlangzarh zingah chuan sum lalut tam ber a ni. Sum lalut tam zual 10 zingah tlangzarh hnuhnun ber a ni a, chuti chung chuan a hlawhtling ber thung.

Khawchhak lungpui a lian hman
Sum lalut tam pahnihna leh pathumna chu China film ve ve niin 'The Battle at Lake Changjin' chu pahnihna a ni a, 'Hi, Mom' chu pathumna a ni bawk. Covid-19-in khawthlang lam a luhchhuah tak tak hnuah khan China film industry nasa takin a ṭhang ve thung a, khawvela film industry lian ber an ni hman hial. US lama film tam takin sum an lakluh theih mang loh lai khan China lamah chuan an lalut ruih ruih thung. Chumi avang chuan China film-te pawh hi sum lalut tam ber leh a dawttu hun eng emaw chen chu an ni hman hial.

Film hlawhtling dangte chu...
James Bond film 25-na 'No Time to Die' kha palina a ni a, 'F9' kha pangana a ni bawk.

Top 10-ah hian Marvel film pali lai a lang bawk a, Spider-Man: No Way Home' bakah hian 'Venom: Let There Be Carnage', 'Shang-Chi and the Legend of the Ten Rings' leh 'Eternals'-te chu top 10-ah an lang ve bawk a ni.

Kum 2021 chhunga film sum lalut tam zual 10
1 Spider-Man: No Way Home film $1,369,892,000
2 The Battle at Lake Changjin $906,319,612
3 Hi, Mom $841,674,419
4 No Time to Die $774,034,007
5 F9 $726,229,501
6 Detective Chinatown 3 $706,084,069
7 Venom: Let There Be Carnage $501,027,511
8 Godzilla vs. Kong $467,863,133
9 Shang-Chi and the Legend of the Ten Rings $432,233,010
10 Eternals $401,454,419