King Penguin an rem chak ; Kum 30 chhungin an chenna 90% zetin zim

Penguin zinga lian ber king penguin an tih te hian chenna bik an nei a, a huhoa an khawsakna hmun chu tun hnai kum 30 chhungin 90% zetin a zim tawh.

An chenna hmunpui France-a Île aux Cochons-ah chuan maktaduai hnih zet an awm ṭhin a, mahse tunah chuan nuai hnih vel chiah an khawsa tawh tih tarlan a ni.

King penguin-te hi Indian Ocean-a Africa leh Antarctica inrina Île aux Cochons velah a huhoin an khawsa a ni. Helai hmunah hian tun hma chuan king penguin maktaduai hnih chuang zet an khawsa

ṭhin a, an chenna hmun a chereu zel avangin nuai tlem te chiah an awm tawh niin, Antarctic Science chuan an tarlang.

Tun hnai khan van sang aṭangin an chenna ram hi thla lak a ni a, satellite aṭang pawhin uluk taka zir chian a ni. Kum 1980 vel kha chuan Île aux Cochons-ah hian King Penguin tuak maktaduai khat vel an awm a, 2015 leh 2017 khan chuan tuak 60,000 vel chiah an awm tawh a ni.

Sik leh sa inthlak vang?

Mithiam te chuan sik leh sa danglam chak lutuk leh khawlum zel avanga harsatna tawk nasa ber pawl chu Penguin an nih thu an sawi a, tun ang zela khua a lum chho a nih chuan an dinhmun a ngaihtuahawm dawn hle dawn niin an lo tarlang tawh.

Sik leh sa inthlak danglam chho zel avang hian luia cheng nungchate pawhin harsatna an tawk chho mek zel a, chung zingah chuan Penguin te pawh hi an tel. Scientist te chuan hmun lum ngaina lo ve tak Penguin-te dinhmun hi a harsa chho zel a, an ngaituahawm hle a ni, an ti.