Demi Lovato a la dam lo

Ruihhlo avanga hospital-a dahluh ngai khawpa awm American singer Demi Lovato chuan ṭhat lam a la pan thei meuh lo a, a rilru lamah buaina a nei niin an tarlang. Demi hian Hospital a la chhuahsan lo a, a taksa leh rilru a la inpeih lo niin an sawi.

July 24 khan heroin overdose avangin Los Angeles hospital-ah an dahlut a, kar khat zet a awm tawh. Ṭhat lam pan ve bawk mah se, chhuak tur em chuan a la inpeih lo tih amah enkawltute chuan an sawi a ni.

Pop singer Demi Lovato hi nikhaw hre loa a awm hmuh a ni a, a hnuah ruihhlo vang a ni tih hriat chhuah a ni. The X Factor star hlui hian hospital a chhuahsan hnuah rehab-ah inenkawl leh a duh niin khawthlang media te chuan an tarlang bawk.