Grammy Awards sem hun tur sawn mai thei

Recording Academy chuan Covid-19 Omicron variat a darh zel avangin Grammy Awards 2022 sem hun an sawn hla mai thei niin Billboard chuan an tarlang.

Billboard chuan hmun hrang hrang aṭangin hemi chungchangah hian thu an dawng niin an sawi a, an thudawn hi a dik a nih chuan kum hnih chhung chu a zawnin Grammy Awards sem hun an sawn hla dawn tihna a ni.

Kum 2021-ah khan January 31-a sem tura ruahmanna an siam vek tawh chu March 14-ah an sem thei chauh a, an semna hmun pawh an sawn hial a ni.

Recording Academy thupuangtu chuan engmah thutlukna an la siam loh thu a sawi thung. Kumin hi Grammy Awards vawi 64 an semna tur a ni tawh dawn a, January 31 hian Crypto.com Arena, Los Angeles, California-ah sem turin ruahmanna an siam a, nikuma lama host South African comedian Trevor Noah bawkin a host leh ang.