The Weeknd album thar 'Dawn FM' Zirtawpniah

Canadian singer The Weeknd chuan Zirtawpni hian album thar 'Dawn FM' a tlangzarh dawn.

'Dawn FM' hi The Weeknd studio album pangana tur a ni tawh dawn a, XO leh Republic Record kaltlangin a tlangzarh dawn a ni. He album-ah hian Tyler, the Creator leh Lil Wayne-te pawh an inlan dawn tih a chiang tawh nghe nghe.

A album thar tlangzarh hun tur a puanzarnaah hian kum 31-a upa 'Blinding Lights' hitmaker chuan comedian Jim Carrey hming a tarlang tel a, chu chuan ngaihven a hlawh viau. Thawhṭanni zanah khan a album teaser hi a tichhuak a ni.

Canadian lemchan thiam Jim Carrey hian a album concept a 'narrate' dawn a, he album hi a ngaihthlak tawh thu leh project-a a tel ve thei chu a lawm hle tih pawh a lo sawi tawh nghe nghe.

"Dawn FM hi ka ṭhian ṭha tak Abel nen nizanah khan kan ngaithla a. A rilin a nalh hle a ni. He symphony-a ka tel ve thei hi ka lawm takzet a ni," tiin Twitter lamah Jim Carrey chuan a ziak a, The Weeknd album teaser video a tweet bawk.