Madonna-i'n album thar a tiam

August 16-a kum 60 tling mai tawh tur American singer Madonna chuan album thar a tichhuah leh tur a sawi a, kumin chhunga tichhuah hman a tiam.

Madonna hi Vogue Italia chuan chuan August issue-ah cover girl atan an hmang a, interview-ah hemi chungchang hi a sawi chhuak a ni. Madonna chuan, "Music hi ka ngaina a, chawlhsan tumna ka la nei lo. Tunah hian album ka buaipui leh mek a, Lisbon-ah recording ka ti mek a ni," a ti. "Album buaipui hi a phurawm tak zet a, kumin chhunga zawhfel hman pawh ka beisei a ni," a tibawk.

A thusawi hian fan te beng a verh hle a, a album thar hmuh ngei an beisei. Hetih lai hian Madonna chuan a album tihchhuah hun tur tak hi a la tarlang lo thung.