ṬKP buatsaih ARISE 2018 ṭan a ni ta
Ṭhalai Kristian Pawl (ṬKP) Co-ordination Committee, Aizawl buatsaih Arise 2018 chu nizan aṭang khan BCM Republic Vengthlang Kohhran Hall-ah ṭan a ni. Arise 2018-ah hian Aizawl khawpui chhunga ṬKP Unit hrang hrangten band leh worship dance hmangin intihsiak an nei a, thupui atan 'Thim ata engah' tih hman a ni.
He intihsiakna hi Aizawl khawpui huam chhunga mite tan buatsaih a ni a, ṬKP member zinga talent nei ṭha te haichhuahna tura buatsaih a ni.
Arise 2018-ah hian audition neih niin, August 14 zan khian worship dance bikah top 10 te an inlan zui ang. Band top 10 te chuan August 16 leh 17 zanah intihsiakna an hmachhawn ang a, top 5 thlan a ni ang.
August 23 zanah an inlan zui leh ang a, a tuk zanah worship dance intihsiak a awm ve leh bawk ang. Hemi zan hian result puan nghal tura ruahman a ni.
Top 10 aṭang hian Chanmari YMA Hall-ah intihsiak hi neih a ni ang a, LPS leh Zonet-ah live a pekchhuah a ni ṭhin ang. Band & Worship Dance-ah hian pakhatna ten Rs. 50,000/- ve ve an dawng dawn a, mimal lawmman chi hrang hrang a awm bawk ang.