Triau Tracx hla thar 24x7 (Ka Damdawi)

Mizo band lar Triau Tracx chuan hla thar an peih fel leh ta a, 24x7 (Ka Damdawi) tih a ni. Kumina an music video hmasa ber tur hi zanin­ah dar 7:00 vel hian You­Tube-ah upload a ni ang.

Champhai aṭanga Zoram dengchhuak thei Triau Track hla thar hi a dangdai dawn viau a nih hmel a, a hmaa an lo tihchhuah tawh te nen chuan a inpersan hmel hle. A hla thupui pawh ' 24x7 (Ka Damdawi)' tih a ni a, ngihthlak hnuaah engtiang chiah nge tih chu a hriat theih dawn a ni.

Chu mi, kha mi 'genre' chu a ni han tih fak tur pawh hriat thiam a harsa a, a ngaithlatute ngaihthlak chhuah dan a zirin a dang­lam thei viau dawn a ni. Hle hla hi an drum­mer Ramenga phuah a ni.

Ramenga chuan, "Ṭum danga kan la tih chhuah ngai loh thil thar a awm nual dawn a, a video-ah pawh hian keimahni lang loin model hran kan hmang a ni," tiin, an music video chung­changa a sawi. Model atan hian filmstar Hmangaiha leh Mizo model lar Kimkimi te an hmang a, shooting pawh hi a vawi khat nan Aizawl-ah vek neih a ni.