Pa vanduai John Cena!

WWE super star John Cena leh Nikki Bella te hi innei mai tur anga sawi an ni fo a, mahse Bella zawk hian a vawi hnih nan a ṭhulh san leh ta tlat mai.

John Cena leh Nikki Bella te hian kumin April thla khan inkutsuih an lo tum tawh a, Bella hian a lo ṭhulh san tawh a ni. Tunah pawh rilru lamah buaina a tawh chhuahlamah hmangin a ṭhulh san leh ta a, an awm zel dan tur rin thiam a harsa ta hle. June thla lawk khan an inneih tur thu puan a ni a, thla tam pawh a liam hmain ṭhulh anih thu a thang leh ta a ni.

Bella hian hemi chungchang hi tun hnaia show-a a inlan ṭumin a sawi chuak a, a la inpeih loh thu a sawi uar hle. Bella chuan, "Inkutsuih turin ka rilru a la inpeih lo a ni. Thil tam tak ngaih­tuah tur a awm a, tun dinhmunah chuan engmah tih thei ka ni lo," a ti.

A thu sawi hian ngaih­ven a hlawh hle a, a hma ang bawkin an chanchin hi media te khel ber pakhat a nih zui a riawm.