Maruati, Arini, Cindy, Duhsaki leh Famkima-te Pathianni zanah zai ho dawn

Mizo gospel singer, tunlaia Pathianin a hman berte zinga mi Maruati, Arini, Cindy, Duhsaki leh Famkima-te chu Pathianni zanah hian Theological Education Board, Mizoram Synod buatsaih LIVE KRAWS CRUSADE neih mekah an zai ho dawn.

Gospel singer lar tak takte hi an la zai ho ngai lo a, tun hi an zai ho vawi khatna tur a ni. A mal ṭheuh pawhin an zai thiam zia Zoram mipuiin kan hriat sa a ni a, huhang ngah ber pawl pawh an vek bawk a, an zai ho tur hi a nghahhlelhawm tawh hle. Mizo fakna hla ṭha tak tak eng emaw zat lo phuah tawhtu, fam ta R Lal­remruata (Parema) hla phuah 'Phu loh hma­ngaihna' an sa dawn a, Chanmari Branch KṬP-te'n an zai an rem sak dawn bawk a ni.

LIVE KRAWS CRUSADE neih mek hi LPS leh Zonet Cable TV-ahte pek chhuah ṭhin a ni a, heng zaithiam tak takte zai pawh hi TV lamah live-in thlirin a ngaihthlak theih dawn a, YouTube lamah live a ni dawn bawk.