Mizo Literary Award leh Mizo Proficiency Prize hlan

Mizo Writers Association (MWA) chuan nimin khan hla phuah thiam T.Romama, Serchhip chu Mizo Literary Award-2020 an hlan.

Lalneihmawii, Zokhawthar, B.A Mizo Subject-a Mark hmu sang ber hnenah R. Buchhawna Proficiency Prize leh, Thang Sian Tluanga M.A Mizo subject a mark hmu sang ber chu J. Malsawma Proficiency Prize an hlan bawk.

Mizo Literary Award leh Mizo Proficiency Prize dawngtute hi lawmpuina thuziak leh Tangka fai Rs 5,000 ṭheuh an hlan a ni.