Billboard chart a danglam tam lo
Billboard chart hrang hrangah thil danglam a thleng tam loa, Adele leh Mariah Carey tih vel tho an la langsar.
Billboard 200 chart-ah Adele bawk
Adele album thar ber '30' bawkin Billboard 200 chart-ah ro a la rel a, tlangzarh a nih aṭanga kar ruk lai a liam hnuah pawh he chart-ah hian ro la rel chhunzawm zelin kar hmasa chhung khan equivalent album unit 99,000 a la hmu chhuak. Chumi aṭanga unit 71,500 lai chu album a hralhna aṭanga a hmuh chhuah a ni nghe nghe. Kum tawp dawn aruaia a album tlangzarh hi kum 2021 chhunga album hralh tam ber a ni hial,
Michael Buble 'Christmas' album chu pahnihna ni thungin Taylor Swift 'Red (Taylor's Version)' chu pathumna a ni ve leh bawk.
Hot 100-ah Krismas boruak a la reh lo
Krismas zo tawh mah se tuna chart chhuak hi kar hmasa lama hla hit ho tarlanna a la nih miau avangin Mariah Carey hla hit 'All I Want For Christmas Is You' bawkin Hot 100 chart lamah ro a la rel.
Pahnihna pawh Brenda Lee 'Rockin' Around The Christmas Tree' bawk a la ni a, pathumna pawh Krismas hla Bobby Helms 'Jingle Bell Rock' tho a la ni.
Chart dang
Artist 100 chart lamah chuan Adele pakhatna a ni leh a, Taylor Swift leh Michael Buble-te'n dawtin Ed Sheeran leh Mariah Carey chu palina leh pangana an ni. Billboard Global 200 chart lamah pawh Krismas hla bawk an la langsar a, Mariah Carey hla 'All I Want For Christmas Is You', Wham! 'Last Christmas' leh Brenda Lee 'Rockin' Around The Christmas Tree'-te chu pakhatna, pahnihna leh pathumna an ni.
Billboard 200 chart top 10:-
1 30 Adele
2 Christmas Michael Buble
3 Red (Taylor's Version) Taylor Swift
4 Live Life Fast Roddy Ricch
5 Sour Olivia Rodrigo
6 A Charlie Brown Christmas (Soundtrack) Vince Guaraldi Trio
7 Merry Christmas Mariah Carey
8 The Christmas Song Nat King Cole
9 Fighting Demons Juice WRLD
10 Inside (The Songs) Bo Burnham
The Hot 100 top 5:-
1 All I Want For Christmas Is You Mariah Carey
2 Rockin' Around The Christmas Tree Brenda Lee
3 Jingle Bell Rock Bobby Helms
4 A Holly Jolly Christmas Burl Ives
5 Easy On Me Adele