Gilda’s Club-in Emma Stone an chawimawi

Gilda’s Club NYC chuan lemchan thiam Emma Stone chu Ningani khan chawimawiin  Gilda Radner Award an hlan.

Emma Stone chawimawina hlantu  Gilda's Club hi midangte ṭanpuitu pawl an ni a, cancer natna vei leh an chhungte tana support group, counseling leh workshop buatsaih sak ṭhintu niin kumitinin mi sing chuang hnenah hengte hi an buatsaih sak ṭhin a ni.

Chawimawina a dawng hi Emma Stone pawh hian a ngaihlu hle a, a nu ngei pawh hnute cancer sual chhuaktu a nih avangin award a dawnnaa thu a sawinaah pawh Gilda's Club hmalakna chu a fak hle.

"Kum 19 ka nih laiin ka nu enkawl a ngai a, naupang mai tan chuan hriatthiam a harsa hle. Mahse Gilda’s Club hmalaknain kan dinhmun min hriatthiampuitu naupang dangte nena summer camp-a kal hoa intihhlimna hun a hman theih tih hriat kha thil ropui tak a ni," tiin chawimawina a dawn pahin a sawi a ni.