Taylor Swift concert-ah Bryan Adams

Taylor Swift chuan Inrinni zan khan Toronto-ah concert a nei a, Canadian singer lar Bryan Adams chuan a ṭawiawm. Bryan Adams inlan tur hi hriat lawk a ni lo a, Swift chuan fan te surprise nan a hmang a ni. Canadian singer dang Shawn Mendes pawh back-stage lamah a inlan bawk.

Taylor Swift hian nikum November thlaa a album tlangzarh 'Reputation' pualin tour a nei mek a, Norh America lam a hrut ṭan leh tawh. Inrinni zana Toronto, Canada-a a concert pawh hi ṭum dang ang bawkin chhimtu an ṭhahnem hle a, mipuiin an beisei phak bak an tawng bawk.

Kum 28 mi Swift hian a perform laiin Bryan Adams a ko chhuak thut a, fans te an sapatal a ni ber. Adams hla hit 'Summer of 69' an sa dun a, concert chhimtute thawm a ṭha hle. American-Cuban singer Camila Cabello pawhin Taylor Swift hi a ṭawiawm ve leh bawk.