Hontrade International Ṭhazual Lengzem ; A zawna ṭum thum No.1 hauh thei

Hontrade International Ṭhazual Lengzem chart-ah roreltu ngai kan hmu leh a, a hming chu H.Van­lal­hlim­puii (Hlimhlimi) a ni. Hlim­hlimi hian 'Ṭhian rinawm' tih hla hmangin a zawnin kar thum chhung No.1 a hauhna a ni tawh.

Ṭhazual Award 2017-a 'Best Female Artist' atana thlan Hlimhlimi hian June 1 khan kumina a music video hmasa ber hi a tichhuak a, ni tam a liam hmain chart-ah din­hmun sang berah a invawrh kai. Pakhatna dinhmun luah turin hun a mahmawh rei lo hle a, chuti chung chuan a lal ṭhuthleng erawh rei tak luah a tum thung.

Ṭhian rinawm hlut zia tarlanna hla hi tunlai lengzem hla lar leh thlan hlawh ber a ni a, mipui lam pawhin an la ngaihtla kham lo. Sap hla lehlin, thluk mawi tak mai hi Armed Veng South nula Hlimhlim kutchhuak hi niin, sakpui nuam tak a ni.

Chart-ah hian Sangkimi Khiang­te chuan hmasawnin palina aṭangin pahnihna-ah a inhlangkai. Sangkim hian thla hmasa lawk khan 'In tello chuan' tih hla a tichhuak a, Mizo rilrem zawng tak a nih piah lamah a music video a hmuh nawm hle bawk.

Pakhatna pawh lo hauh tawh David Lalremruata chuan 'Jerusha' tih hla hmangin pathumna a hauh a, Aziri-a'n a dawt. Dj Lalvenhimi chu 'A pawi emai' tih hla hmangin top 5-ah a lang ve bawk.

Top 10-ah hian chart-a mikhual lo tak tak - Josephine Lalawmpuii, Zorinzuali Khiangte, Jenny Ja­thang, Marina V. Varte leh Tza Ralte te an lang bawk.

Hontrade International
Ṭhazual Lengzem Top 10
1. Hlimhlimi - Ṭhian Rinawm
2. Sangkimi Khiangte - In tello chuan
3. David - Jerusha
4. Aziri - Hmangaihna
5. Dj Lalvenhimi - A pawi emai
6. Josephine Lalawmpuii - Duhaisam Di
7. Zorinzuali Khiangte - Min hnawl si maw
8. Jenny Jathang - Tuarthiam rawh aw
9. Marina V. Varte - All In
10. Tza Ralte - A kim ngei ang