Ka Cleopatra chu a smart ang a, a sexy bawk ang: Gal Gadot

Israeli lemchan thiam, Gal Gadot chu a film channa thar turah hmasang Egypt roreltu Cleopatra lemah a chang dawn a, Gadot chuan, "Ka Cleopatra chu a smart anga, a sexy bawk ang," tiin an kawmnaah a sawi.

InStyle magazine-in an kawmnaah hemi chungchang hi sawiin,"Thil tam tak chu ka sawi chhuak thei lo a, mahse Cleopatra chanchin hi kan lawm tlang dawn hle tih erawh ka sawi thei. Midang mit la leh sexy ringawt a ni dawn loa, rorel a thiam bakah a smart dawn hle a, a nunin nghawng a nei nasa a, vawiin thleng pawhin a la nei a nih hi," a ti.

Kum 36-a upa Wonder Woman actress channa tur film Cleopatra hi 'Wonder Woman' director Patty Jenkins chuan a produce dawn a, Gadot chuan Cleopatra film tihchhuah tawhte aiin an project chu a danglam dawn hle tih a sawi. "Cleopatra movie dang zawng zawng ka en tawh a, mahse tuna kan siam turah hi chuan khawvelin hriat a mamawh lam hawi zawng kan tarlang dawn niin ka hria," a ti bawk.