Samsung Galaxy S21 FE karleh aṭangin India-ah hralh dawn

Samsung Galaxy S21 FE chu India ramah pre-booking a tih theih tawh a, karleh Thawhlehni, January 11 aṭang hian an hralh chhuak ṭan dawn.

South Korean tech giant hian Nilaini aṭang khan India tana pre-booking tih hun hi an hawng ṭan a, India rama an tlangzarh tur bikah hian Exynos 2100 SoC a hmang dawn niin an sawi. Samsung hian Galaxy S21 FE hi UK lamah an tlangzarh tawh a, 6.4-inch full-HD+ Dynamic AMOLED 2X Display niin triple rear camera setup a neih bakah 4,500mAh battery a nei bawk.

Samsung India e-Store leh Samsung Shop app-ahte booking hi a tih theih a, Rs. 52,000 man vel aṭangin a inṭan dawn niin an sawi.

Samsung Galaxy S21 FE specifications

Display 6.40-inch

Processor octa-core

Front Camera 32-megapixel

Rear Camera 12-megapixel

+ 12-megapixel

+ 8-megapixel

RAM 6GB

Storage 128GB

Battery Capacity 4500mAh

OS Android 12