K Pop + LG = Lammual LG I Day Cup-ah K Pop

K Pop fans tam takin tunlaiin Aizawl khawpuia BTS thlalak intar chu thla an lakpui ṭhin a, Lammual chhungah BTS thlalak an tar chuai mai - LG Independence Cup football khelh mekah LG Electronics chuan K Pop an seng lut dawn a, vawiin aṭangin Koream hla larah Lammualah an lam ṭan dawn.

LG hian K Pop star hmingthang BTS-te chu khawvel huapa an mobile phone tilartu atan an ziak lut a, an inkungkaihna hian Mizorama LG Independence Cup thlengin a nghawng.

LG hotute ruahmanain vawiin semi final aṭang hian inkhelh hma leh inkhelh chawlh laiin K Pop hlaah lam thiam rualte an lam ṭhin dawn a, vawiin tlai dar 4:30 vel aṭangin Lammualah an lam ṭan tawh ang.

Olways, War of Dreamz, Storm 7, Glam N Grooves, Future Ex, BPS Crew, Born Unique leh Hormonic Boys-te chu August 10, 11 leh 15 tlai leh zanah Lammualah an inlan ang.