India-ah Mi A2 tlangzarh a ni ta

Xiaomi Mi A2 chu Nilaini khan India ramah tlangzarh ni ta a, nimin aṭang khan lei theih tura chhawpchhuah a ni.

Mi A2 hi Rs.16,999 aṭangin a inṭan a, tunlai phone chhuak thar zingah chuan ngaihven hlawh ber pakhat a ni. Redmi phone thar hi India bikah chuan model chi hnih tichhuah a ni a, 4GB RAM niin 32GB & 64GB storage te a awm. A camera ṭhatna chu company lam pawhin an hmatheh niin, low light-ah a ṭha niin an sawi.

Chinese company Xiaomi hian India ram­ah smartphone an hralh­chhuak nasa hle a, thla thum chhungin maktaduai 10 zet an hralh chhuak.

Xiaomi Mi A2 hi thla hmasa khan Spain-ah tlangzarh a ni a, India-ah tlangzarh a ni ve leh ta a ni. Company lam chuan 6GB RAM, 128GB storage pawh an tichhuak leh dawn tih sawiin, nghah deuh erawh a ngai dawn a ni.