Dr Zothansanga'n hla thar tichhuak dawn

Dr Zothansanga chuan hla thar 'Ka puang zel dawn' a tichhuak dawn a, Zonet lamah thlira ngaihthlak theihin a dah chhuak thuai dawn a ni.

'Ka puang zel dawn' hi Fiona Pachuau-in thiam taka a sak 'Kristaa Lawmna' phuahtu Rev Zoramsanga phuah bawk a ni a, a mawi leh hle turah ngai ang. Hla ṭha tak a ni leh ngei dawn tih chu a chiang a, Music Video pawh Tea kut chhuak a ni dawn a, a hmuhnawm leh hle ang. Soundtrack chu Zr Sanga leh Bza kut chhuak a ni a, Blue Wave Records-ah recording a ti bawk.

Dr Zoa hian hla thar dang buaipui mek pawh a nei a, Vanneihtluanga leh David Lalliansangate hla pawh a buaipui mek a, thlira ngaihthlak theih turin a peihfel thuai dawn niin a lang. Synod Choir lamah a tel tawh lo bawka music video thar siam lamah ṭan a la chho mek tih a chiang a, a reh rei deuh tawh bawk a tunah chuan a hla thar kan hmu fo tawh turah ngai ang.