Ringo Starr piancham pualin charity show nei dawn

The Beatles drummer Ringo Starr chuan a kum 80 piancham pualin charity show buatsaih a tum a, he hunah hian Paul McCartney leh milar dangte pawh an tel dawn.

July 7 hian Ringo Starr hian kum 80 a tling ve tawh dawn a, a piancham lawmna pual hian charity show buahsaih turah hian Paul McCartney, Sheryl Crow, Gary Clark, Jr., Sheila E, Ben Harper leh mi lar eng emaw zat an zai dawn a, YouTube-ah live-in an pe chhuak dawn bawk a, an ram huna zan dar 8-ah an pe chhuak ang.

Rolling Stone-in an kawmnaah Starr chuan piancham lawm chu nuam a tih thu a sawi a, "Hri leng vangin mi tam tak kalkhawm a har a, hei vang hian video hmangin birthday puala charity show hi neih ka tum a ni. A dangdai dawn a, a nuam viau ang," a ti. A piancham puala charity show a neih aṭanga a sum hmuh chhuahte hi Black Lives Matter Global Network, The David Lynch Foundation, MusiCares leh WaterAid-ah te hnenah a hlan dawn a ni.