Gospel music news ; For KING & COUNTRY-in hla thar tichhuak

Grammy award hial pawh dawng tawh duo For KING & COUNTRY chuan Zirtawpni liam ta khan hla thar 'Unsung hero' an tichhuak.

For KING & COUNTRY Joel leh Luke Smallbone-te chuan Zirtawpnia an hla thar tihchhuah chu an album thar tihchhuah mai tura hla awm zinga an tana 'personal' ber a nih thu an sawi a, an nu leh pate tan an hlan bawk.

Christian pop duo For KING & COUNTRY-te hian studio album pali an tichhuak tawh a, an studio album pangana tur 'What Are We Waiting For' pawh Zirtawpni aṭang khan pre-order theihin an dah chhuak nghal. 'Unsung hero' pawh hi an album thara mi tur hi niin March 11-ah album hi an tlangzarh dawn a ni.