Cate Blanchett channa tur film thar chu...

Australian lemchan thiam 'Thor: Ragnarok' leh 'The Hobbit' star Cate Blanchett chu film thar 'A Manual For Cleaning Women'-ah a chang dawn.

Cate Blanchett film channa thar tur hi Spanish film siamtu lar Pedro Almodóvar english feature film hmasa ber tur a ni a, Lucia Berlin thawnthu tawi dahkhawmna bu behchhana siam a ni ang.

Blanchett hian a Dirty Films hnuaiah he film hi a produce nghal dawn bawk a, a pasal Andrew Upton leh Coco Francini-te nen an produce ho dawn a ni.

'Ocean's 8' actress hian tunah pawh hian project hmachhawp a nei mek a, 'TAR' film shooting an neih mek bakah 'Pinocchio' leh 'Borderlands' project-ahte pawh a tel dawn a ni. Academy awards pahnih lai dawng tawhtu Cate Blanchett hi kum 52 lai ni tawhin lemchan thiam vangin chawimawina 162 lai a dawng tawh a ni.