MZI leh Aizawl Smart City Ltd ṭang kawpin hla inphuahsiak buatsaih dawn

10th January, 2022

Mizo Zaimi Inzawmkhawm (MZI) General Headquarters leh Aizawl Smart City Ltd. chuan hla inphuahsiak an buatsaih dawn.

"Sik leh sa inthlak danglam (Climate Changce)-in nghawng ṭha lo a neih dan leh mimal tinte mawhphurhna" tarlanna lam hla phuah tur a ni dawn a, thunawn awm a nih chuan chang thum phuah tur a ni a, thunawn awm lo a nih chuan chang li phuah tur a ni thung ang.

Hla inphuahsiaka tel turte chuan a hla thu mai bakah a thluk nen siam nghal tur niin January 22 thleng hian thehluh theih a ni. Hla ziak leh Demo chu MZI Gen. Hqrs. Office Tuikhuahtlang-ah emaw, Phone Number 8258944521ah whatsapp-in emaw thehluh tur a ni.

Hla inphuahsiak lawmman:-
1st Prize - Rs. 35,000/-
2nd Prize - Rs. 25,000/-
3rd Prize - Rs. 15,000/-

Mi pathum hnenah consolation prize pek a ni ang.