Amazon India-in Single-Use Plastic hmang tawh lo

Amazon India chuan thuchhuah siamin ram chhunga bungrua an thawnkualna atana single-use plastic an hman ṭhin chu an titawp vek tawh tih an tarlang.

Nikum September-ah khan Amazon hian kumin June thlaah hi chuan environment tana ṭha tur ngaihtuahin single-use plastic an hmang tawh dawn lo tih an lo intiam tawh a, an intiam ang ngei hian thuchhuah an siamah chuan an hmang tawh lo tih an tarlang a ni.

December 2019 aṭang khan hemi kawngah hian hma la ṭan tawhin bubble wrap leh air pillow aiah 'paper cushion' an hmang ṭan tawh a, paper-ah pawh hian 'biodegradable paper tape' an hmang tih an tarlang bawk.