UDPA Brand Ambassador thar Miss Mizoram 2020

Urban Development and Poverty Allevation Department, Mizoram leh Miss Mizoram 2020 Zirsangpuii chuan nimin khan inremna ziakin Zirsangpuii hi Swachh Bharat Mission (Urban)-a faina leh thianghlimna kalpuina kawngah UDPA Brand Ambassador a ni dawn.

Zirsangpuii hi kum khat chhung UDPA Brand Ambassador hi a ni dawn a, nakkum March thlaah an inremna ziah hi a tawp ang.

A kum khat term chhung hian Miss Mizoram Zirsangpuii hian a social media post-te chu Swachh Bharat Mission (Urban) chawi larna atan a hmang dawn a, faina leh thianghlimna chungchanga a follower-te hriat tur post a siam dawn bakah SBM(U), Mizoram activity buatsaihahte a tel dawn a ni.

SBM(U) hian an ma­mawhna, a bikin awareness siam an duhnaah chuan an Ambassador thar thlalak hi an hmang thei dawn bawk a, UDPA event buatsaih bikahte chuan SBM(U) aiawh hian a tel ṭhin dawn bawk. 

Lalhruaitluangi, UDPA Deputy Director (UQ) leh Zirsangpuiite'n inremna hi an ziak a ni.